Mawaziri wa Serikali ya Zanzibar wametoa heshima kwa waasisi wa Mapinduzi ya 1964, wakiwahimiza wananchi kuendeleza urithi wao kwa kulinda umoja, amani na mshikamano wa kitaifa.<\/p>\n
Kauli hiyo ilitolewa wakati wa ziara za viongozi hao katika makaburi ya viongozi wa zamani kuelekea maombi ya kitaifa yanayofanyika Kisiwandui kumuenzi Abeid Amani Karume.<\/p>\n
Waziri wa Uchumi wa Buluu na Uvuvi, Masoud Ali Mohamed, alisema waasisi wa Mapinduzi waliweka msingi wa haki na kujitawala baada ya miaka ya ukoloni. Akizungumza Migombani alipokwenda kutoa heshima kwenye kaburi la aliyekuwa Rais wa Zanzibar, Aboud Jumbe Mwinyi, alisema juhudi zao zinaendelea kunufaisha vizazi vya sasa na vijavyo.<\/p>\n
\u201cTunapaswa kuheshimu urithi wao kwa kudumisha amani, umoja na ushirikiano,\u201d alisema.<\/p>\n
Kwa upande wake, Waziri wa Nchi, Ofisi ya Rais (Tawala za Mikoa, Serikali za Mitaa na Idara Maalum), Idrissa Kitwana Mustafa, alisema waasisi hao walihakikisha vizazi vijavyo vinaishi bila ubaguzi na vinanufaika na maendeleo jumuishi.<\/p>\n
Urithi wa Karume waendelea kuongoza maendeleo Zanzibar<\/a><\/p><\/blockquote>\n